İyunun 11-də Qərbi Azərbaycan İcmasında (QAİ) tarix üzrə elmlər doktoru Vasif Qafarovun “Batum konfransında erməni dövlətinin yaradılması və İrəvanın ermənilərə verilməsi məsələsi” kitabının təqdimatı keçirilib.
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə "Zəngəzur" Cəmiyyətləri İctimai Birliyi tərəfindən həyata keçirilən layihə çərçivəsində yazıçı-publisist, tarix üzrə fəlsəfə doktoru Hacı Nərimanoğlunun “Şərqi Zəngəzur – Quruculuq və Böyük Qayıdışın ünvanı” kitabı nəşr edilib.
Elm və Təhsil Nazirliyinin Şərqi Zəngəzur Regional Təhsil İdarəsinin müdiri Fuad Bədəlovun “Prezident İlham Əliyev Şərqi Zəngəzurun bərpasının və Böyük Qayıdışın memarıdır” adlı Ön sözü ilə açılan kitabda Azərbaycan Prezidenti, Müzəffər Ali Baş Komandan İlham Əliyevin rəhbərliyi, sarsılmaz siyasi iradəsi, qətiyyətli sərkərdəlik bacarığı sayəsində xalqımızın və rəşadətli ordumuzun 44 gün davam edən Vətən müharibəsində qazandığı möhtəşəm Zəfərdən dərhal sonra Şərqi Zəngəzur iqtisadi rayonunda başlanan genişmiqyaslı işlər əks olunub.
Kitabdakı analitik yazılar, informasiya materialları, Prezident İlham Əliyev və birinci xanım Mehriban Əliyevanın 44 günlük tarixi qələbədən bir neçə gün sonra - 16 noyabr 2020-ci ildə Şərqi Zəngəzur bölgəsinə ilk səfərlərindən başlayaraq Cəbrayıl, Kəlbəcər, Qubadlı, Laçın və Zəngilan rayonlarında çoxsaylı görüşlərinə, açılış və təməlqoyma törənlərinə dair məlumatlar rəngli fotolarla 60-dan çox başlıqla Zəfər, Dirçəliş və Böyük Qayıdış fəsillərində təqdim edilib.
“Şərqi Zəngəzur – Quruculuq və Böyük Qayıdışın ünvanı” layihəsinin fəaliyyət planına uyğun olaraq buraxılan kitabda Vətənimizin ayrımaz parçası olan Zəngəzurun tarixi keçmişi, Prezident İlham Əlievin Şərqi Zəngəzur iqtisadi rayonunun yaradılması haqqında qərarının siyasi əhəmiyyəti, məkrli, nankor qonşularımızın törətdikləri vandalizmin nəticələrinin aradan qaldırılması üçün gerçəkləşən dövlət proqramlarının, reallaşan layihələrin gələcək perspektivləri, Şərqi Zəngəzurun iqtisadi potensialı, təbii sərvətləri barədə materiallar da yer alıb.
Kitabda Prezident İlham Əliyevin apardığı məqsədyönlü siyasətin regionda daimi sülhün, əmin-amanlığın bərpasına şərait yaradacağına inam ifadə olunur. Kitab bu sözlərlə bitir: “Unutmayaq! Azad edilən torpaqları yenidən Ana Vətənə çevirmək borcumuz var, həm də o torpaqlarda axıdılmış Şəhid qanlarının, ulularımızın ruhu xatirinə!”
Kitabın PDF linki:
https://zengezur.com/KITABLAR/son-zengezur.pdf
Türk dünyasının gücləndirilməsi, birləşməsi Türk dünyasını, Türk Dövlətləri Təşkilatını dünya miqyasında böyük bir güc mərkəzinə çevirəcək.
Rusiya sərhədçiləri Zəngəzur (Sünik) rayonunun Nerkin Hand kəndini tərk edib.
"Qaçqınlar" silsiləsindən hekayələr; Məni anamın yanına aparın haaaaaaaa. Yorğan. Kətəməz. Vida. Barışdılar. Utandı
Elm və təhsil nazirinin müavini Firudin Qurbanov Laçın rayonuna səfəri çərçivəsində Ədalət Məmmədov adına Zabux kənd tam orta məktəbində olub. Məktəbdəki mövcud şəraitlə tanış olan nazir müavini pedaqoji kollektivlə görüşərək fikir mübadiləsi aparıb.
zengezur.com xəbər verir ki, görüşdə Nazirliyin əməkdaşı Qorxmaz Əliyev, Şərqi Zəngəzur Regional Təhsil İdarəsinin müdiri Fuad Bədəlov və digər rəsmilər iştirak edib.
