SAYTDA AXTAR
FAYDALI LİNKLƏR
“Zəngəzur” sədri dissertasiya müdafiə edib, medal alıb
“Zəngəzur” Cəmiyyətləri İctimai Birliyinin sədri, www.zengezur.com saytının təsisçi və baş redaktoru Hacı Abdulla mayın 16-da Azərbaycan Milli Elmlər Akademiyasının (AMEA) Tarix İnstitutunda “Azərbaycanın Zəngəzur bölgəsinin demoqrafik vəziyyətində dəyişikliklər (XIX əsr – XX əsrin 20-ci illəri)” mövzusunda dissertasiya müdafiə edib.
Elmi rəhbər akademik Yaqub Mahmudovdur.
Dissertasiya Şurasının üzvləri mövzunun aktuallığını, elmi-tarixi, siyasi-hüquqi əhəmiyyətə malik olduğunu, mühüm nəticələrin, elmi yeniliklərin əldə edildiyini, istinadların, qaynaqların zənginliyini xüsusi vurğulayıblar. Azərbaycan tarixşünaslığında ilk dəfə olaraq XIX-XX əsrin əvvəllərində Zəngəzur bölgəsində əhalinin demoqrafik durumu, köç, deportasiya, etnik təmizləmə, soyqırımı, işğal tarixinin ardıcıl, sistemli şəkil-də, arxiv materialları, elmi-tarixi mənbələrə əsaslanaraq tədqiq edildiyi faktlarla vurğulanıb.
ZƏNGƏZUR 97 İL ƏVVƏL ERMƏNİLƏRƏ VERİLDİ
“Zəngəzur” Cəmiyyətləri İctimai Birliyi bununla bağlı açıqlama yayıb. Açıqlamada deyilir: “97 il əvvəl 1920-ci il noyabrın 30-da Azərbaycan xalqının iradəsi, rəyi nəzərə alınmadan Zəngəzur qəzasının yuxarı hissəsi Azərbaycandan qoparılaraq rəsmən Sovet Ermənistanına verildi. Tariximizin qara səhifəsi olan bu bədnam hadisə Azərbaycan K(b)P MK Siyasi və Təşkilat bürolarının həmin gün keçirilən birgə iclasının qəbul etdiyi qərarla həll olundu. Qərarın “q” bəndində deyilirdi ki, Zəngəzur və Naxçıvan Sovet Ermənistanının tərkibinə keçirlər. İlk mərhələdə Zəngəzur qəzasının 6.742 kv. verstlik ərazisindən 3.105 kv. versti Azərbaycan SSR tərkibində saxlandı, 3.637 kv. verstlik hissəsi isə Ermənistana verildi.
Zəngəzur ən qədim dövrlərdən həmin tarixədək hər zaman Azərbaycan torpağı olub. Tarixi mənbələrdə, müxtəlif səyyahların yazılarında göstərilib ki, Zəngəzur türklərin qədim yurd yeridir. Zəngəzurdakı türk mənşəli toponimik adların böyük çoxluğu da bu fikri təsdiqləyir.
XVIII əsrdə Zəngəzur mahalı Qarabağ xanlığının, çar Rusiyası dövründə isə Gəncə (Yelizavetpol) quberniyasının tərkibinə daxil olub. XX əsrin əvvəllərində Zəngəzur mahalında 240 azərbaycanlı (türk) kəndi vardı. Hətta, indiki Türkiyə və İran ərazilərindən çox sayda erməni əhalisinin köçürülməsindən sonra belə beş dəfə az erməni kəndi var idi. Mahal 7 bölgədən ibarət olub: Qafan, Gorus, Qarakilsə (Sisian), Mehri, Zəngilan, Qubadlı, Laçın. 1918-1920-ci illərdə Zəngəzur Azərbaycan Xalq Cümhuriyyətinin tərkibində ayrıca inzibati bölgə - qəza olub.
Zəngəzur məsələsi AXC Parlamentində
Andraniki torpaqlarımızdan qovan Azərbaycan ordusu onu niyə axıra kimi təqib etmədi?
- Fətəli Xan Xoyski parlamentin iclasında məsələyə aydınlıq gətirir
Demokratik respublika qurmaq prinsipini qarşısına məqsəd qoymuş Azərbaycan Xalq Cumhuriyyətinin (1918-1920) dövlət, ordu quruculuğu, xarici siyasət və başqa sahələrdə gördüyü işlər, qanunvericilik fəaliyyəti parlament iclaslarının toplandığı sənədlər toplusunda öz geniş əksini tapmışdır. Düşünürük ki, hər bir Azərbaycan vətəndaşı 1918-1920-ci illərdə fəaliyyət göstərmiş Demokratik Cümhuriyyətinin parlamentində baş verənlər haqqında məlumatlı olmalıdır. Elə bu baxımdan da Enter.News Cümhuriyyətimizin 100 illiyi ərəfəsində olduğundan hər həftənin şənbə və bazar günləri parlamentdə olan çıxışların stenoqramını hissə-hissə bütövlükdə yayımlamağı nəzərə alıb.
Türkiyə Atatürkdən Ərdoğanadək
29 oktyabr - Türkiyə Cümhuriyyətinin quruluş günüdür
Türkiyə Böyük Millət Məclisinin 29 oktyabr (29 Ekim) 1923-cü ildə qəbul etdiyi qərarla dünyaya yeni bir dövlətin - Türkiyə Cümhuriyyətinin qurulduğu elan edildi, Qazi Mustafa Kamal Paşa Atatürk Cümhurbaşkanı seçildi. Ulu öndər Atatürk qurucusu olduğu Cümhuriyyətin onuncu il şənliyindəki məşhur nitqində bu günü türk xalqının ən əziz, ən böyük milli bayramı olaraq dəyərləndirmişdi. Müasir Türkiyə-Atatürk (1881, Selanik - 10 noyabr 1938) öndərliyində türk xalqının qəhrəmanlığının şah əsəridir.
15 sentyabr: Anadolu və Qafqaz türklərinin əbədi qardaşlıq günü 99 il əvvəl Bakı ingilis-rus-erməni işğalından azad edildi
Bakılıların İstanbula - Osmanlı Dövlətinə göndərdiyi müraciətdən: Neft və milyonlar səltənəti adlanan Bakının qapıları önündə neçə gündür qələbə quşunun qanadlarını tutmaq istəyən türk ordusuna. Bu gözəl şəhəri azad edə bilməsəniz, türkün və onun ordusunun şərəfini indi dayandığınız xəndəklərin içində basdırmış olacaqsınız. Əgər siz bu sərvət və qızıl şəhərini azad edə bilməsəniz, Qafqaz türkləri və Türküstan müsəlmanlarının ürəyinə sancılmış xəncərin üzərinə "Heyif ki, türk bizə köməyə gəlmədi" cümləsi yazılacaq. Qafqaz fəryad edəcək, Türküstan ağlayacaq. Əgər siz bu böyük İslam şəhərini azad edə bilməsəniz...Ey türk əsgəri, al Bakını!
Xoş niyyətli, xoş məramlı Birinci Xanım
"Belə bir nəzəriyyə var ki, insan doğularkən verilən ad onun bütün taleyinə təsir göstərir. Deyə bilmərəm, bu nəzəriyyə real həyatda özünü nə dərəcədə doğruldur, amma yaxşılıq, mərhəmət kimi anlayışlar mənim üçün, həqiqətən ümdə anlayışlardır. Zənnimcə, geniş anlamda, mərhəmət ən yaxşı və ən ülvi insani keyfiyyətlərdən biridir".
Mehriban Əliyeva
Daha çox məqalə...
- “Zəngəzur” CB sədrinin erməni yalanlarını ifşa edən məqaləsi Avstriya jurnalında
- QHT 183 yazarı iki almanaxda birləşdirdi
- “Erməni soyqırımı” iddiası və gerçək tarix
- Fikirlərinizlə razı deyiləm, Çingiz müəllim!
- Əli Həsənovun 7 il əvvəlki anti-FETÖ çıxışı
- “Azərbaycanın müdafiəsinə hazırıq!”
- Şəhid döyüşçünün xatirəsinə həsr olunmuş tədbirlər
- Şuranın dəstəklədiyi layihə çərçivəsində Milli Qəhrəmana həsr olunmuş sənədli filmin təqdimatı olub
- Vətənə layiqli xidmətin ata-oğul nümunəsi
- “Zəngəzur” İB vətənpərvərliklə bağlı layihəyə start verib