10 sentyabr Zəngəzur elimizin Azərbaycana bəxş etdiyi layiqli simalardan biri Əhliyət Adıgözəlovun dünyaya gəldiyi gündür. Əhliyət müəllim 25 ildir Təhsil Nazirliyində (ETN) məsul vəzifələrdə çalışır, "Azərbaycan Respublikasının Əməkdar Müəllimi", "Qabaqcıl təhsil işçisi" fəxri adlarına layiq görülüb, Nazirlik üzrə YAP-ın sədr müavinidir. O, mədəniyyəti, əxlaqı, bilik, bacarığı, ləyaqəti ilə respublikamızın bütün guşələrində qazandığı xətir-hörmətlə həm də doğulduğu torpağın adını ucaldıb.

Xatırladım ki, onun atası mərhum Musa Adıgözəlov “Şərəf nişanı” ordeni ilə təltif edilib, 31 il Göyərcik, Seytas, Bəxtiyarlı, Cılfır və Göyərəbas kəndlərini özündə birləşdirən Göyərcik sovetliyinin sədri, rayon sovetinin deputatı olub, el-obanın duz-çörəkli kişilərindən, nəcib ağsaqqallarından idi.

Əhliyət müəllim “Zəngəzur” Cəmiyyətləri İctimai Birliyinin Ağsaqqallar Şurasının  üzvü, daimi təəssübkeşlərindən biridir.

Birliyimizin Ağsaqqallar Şurası və İdarə Heyəti adından Əhliyət Adıgözəlovu təbrik edir, Ulu Yaradandan ona bundan sonra da sağlam, uzun, xeyirli ömür diləyirik.

“Ötən dövr ərzində qeyri-hökumət təşkilatları vətəndaş cəmiyyətinin inkişafında fəal rol oynamış, ölkənin milli maraqlarının qorunmasında, müxtəlif sahələr üzrə dövlət proqramlarının icrasında, həmçinin cəmiyyət həyatının bir sıra sahələrində yaranan problemlərin həllində yaxından iştirak etmişlər”.

        Azərbaycan Respublikası Prezidentinin 2021-ci il 19 aprel tarixli 1317 nömrəli Fərmanından

Tanınmış şair, istedadlı yazıçı, peşəkar jurnalist və bacarıqlı media təşkilatçısı Rəşad Məcidin 60 yaşı olur. O, "525-ci qəzet"in baş redaktoru, Azərbaycan Yazıçılar Birliyinin sədr müavini, Azərbaycan Mətbuat Şurasının sədri, Azərbaycan Respublikasının Prezidenti yanında Əfv Məsələləri Komissiyasının üzvü kimi fəal ictimai, mədəni iş aparır. Ölkəmizdə və xaricdə 20-dən çox kitabı nəşr olunub.
Azərbaycan Respublikasında media sahəsində uzunmüddətli səmərəli fəaliyyətinə görə Rəşad Museyib oğlu Məcidov 2-ci dərəcəli “Vətənə xidmətə görə” ordeni ilə təltif edilib.
Rəşad Məcid xarakterində, yaradıcılığında və insanlarla ünsiyyətində səmimiyyəti ilə seçilir. O, bu cəhətləri ilə də cəmiyyətdə özünə sevgi, hörmət qazanan üzdə olan azsaylı tanınmışlardan biridir.
Rəşad Məcidi 60 illik yubileyi münasibətilə təbrik edir, ona bundan sonra da sağlam, uzun, xeyirli ömür diləyirik.

“Zəngəzur” İctimai Birliyinin İdarə Heyəti, zengezur.com saytı

Unutmayaq, Azərbaycanla Türkiyənin bir-birinə əbədilik vəfa borcu var!