Martın 18-də Azərbaycanın Qeyri-Hökumət Təşkilatlarına Dövlət Dəstəyi Agentliyinin xətti ilə Bakıda "Türkman irsi: vətəndaş cəmiyyətlərinin həmrəyliyi" adlı forum keçirilib.

zengezur.com xəbər verir ki, Forumda İraq, Suriya, Türkiyədən çoxsaylı qonaqlar, Azərbaycan vətəndaş cəmiyyətinin təmsilçiləri iştirak edib. Agentliyin icraçı direktoru Aygün Əliyevanın açılış nitqindən sonra Azərbaycan və İraqın millət vəkilləri, alimlər, QHT rəhbərlərinin çıxışları dinlənib. “Ortaq dəyərlər: tarix və mədəniyyətin izləri”, “Gələcəyə baxış: yeni imkanlar və təşəbbüslər” adlı panel müzakirələrində əməkdaşlıq məsələləri müzakirə olunub, əlaqələrin möhkəmlənməsində təkliflər dinlənib.

Forum çərçivəsində türk ellərindən 30-dan çox vətəndaş cəmiyyəti təmsilçisi beş gün Azərbaycanda olub, Xocalı, Xankəndi, Şuşa və Füzuliyə səfər ediblər.