Mehmet Elturan 1951-ci ildə Türkiyənin Qars vilayətinin Sarıqamış bölgəsində doğulub böyüyüb. İşi ilə bağlı Avstraliyaya köçüb, ömrünün sonunadək Melburn şəhərində yaşayıb, müxtəlif vəzifələrdə çalışıb.
O, Azərbaycan dövlət müstəqilliyini elan edərkən ölkəmizə hərbi yardımlar gətirən Türkiyə hərbçiləri ilə birlikdə Bakıya səfər edib. 2023-cü il iyulun son günlərində ata-baba yurdu Qubadlıya gedib, doğmaları ilə birlikdə Qaçaq Nəbi və Qoçaq Həcərin doğulduğu Yuxarı Mollu və Aşağı Mollu kəndlərini gəzib, Həcər xanımın məzarını, abidəsini ziyarət edib. Qubadlı Rayon İcra Hakimiyyətinin inzibati binasında rayon sakinləri ilə görüşüb.
"Zəngəzur" Cəmiyyətləri İctimai Birliyi Mehmet Elturanın vəfatından kədərləndiyini bildirir, ailəsinə, əzizlərinə başsağlığı verir.
Allah rəhmət eləsin!