XƏBƏRLƏR

: XƏBƏRLƏR; 2021-02-07T16:25:59+00:00

26-cı ildir Azərbaycanın baş bankiri vəzifəsini daşıyan Elman Rüstəmovun rəhbərlik etdiyi Mərkəzi Bank üçün 450 milyon manat dəyərində bina tikiləcəyi ilə bağlı açıqlamalar sosial şəbəkədə, internetdə ciddi narazılıqla qarşılanıb, kəskin ictimai qınağa tuş gəlib. Həm də tamamilə haqlı, əsaslı səbəbdən. Ölkənin bank sistemindən və E.Rüstəmovdan ən narazı vətəndaşdan biri mənəm; 2018-ci il dekabrın 3-də ABB-nın Mətbuat filialından 9500 manat kredit götürmüşəm, ayda nə zülümlə 268 manat hesabı ilə 14,462,22 qəpik geri qaytarmalıyam. Dünyanın heç yerində belə soyğunçuluq, yüksək faiz yoxdur. Türkiyədə kredit faizləri illik 1.5, Almaniyada – 1.9, ABŞ-da – 3.25 faizdir, Rusiyada isə 6-9 faiz arasında dəyişir. Ümummilli sərvət olmalı neft pullarımızı xarici banklarda 3-4 %-ə oturdub, vətəndaşa 25-28 %-lə vermək heç bir məntiqə, haqq-ədalətə sığmır. Sözüm bunda deyil, onsuz da xalqın 3-də 2-si bu gündədir, “palaza bürün, elnən sürün.”

: XƏBƏRLƏR; 2021-02-06T19:54:11+00:00

Qax rayonundakı Əmbərçay kəndinin başı üzərindəki qədim Kürmük alban məbədində ildə 2 dəfə 23 noyabr və 6 mayda keçirilən Kürmükoba bayramında (gürcülərdə “Giorqoba“) iştirak etdim.

: XƏBƏRLƏR; 2021-02-04T11:34:50+00:00

Olmuş əhvalat, 4 şəkilli tragikomediya

mən

Əhvalat Mingəçevir şəhər məscidində vaqe olur. 1998-ci il, 30 yanvar, saat 10.30 radələridir. Ramazan bayramının ilk günüdür, məscidin qabağına xeyli adam yığılıb. Şəhərin rəhbərləri, müavinləri, prokuror, polis və MTN rəisləri, YAP, bələdiyyə idarələri, başqa aktivlər daxildir. Onların arasında general libasında ortaboylu, sarımtıl sifətli biri diqqəti xüsusi çəkir, qayışının üstündə tapança bağlamış, təkəbbürlü, arxasınca da 2 nəfər rus “OMON”çusu geyimində, qabaqda da 2 nəfər milli cangüdənin - azərbaycanlı olan bilinir. Şəhər camaatı, rəhbərləri generalı qabağa verib “buyur,”la məscidin qırmızı xalı döşənmiş pilləkənlərdən irəli buraxırlar, lazım də ardınca girirlər məscidə.

: XƏBƏRLƏR; 2021-01-20T08:07:56+00:00

Azərbaycan Milli Azadlıq Hərakatının öncüllərindən biri idi Oruc...

20 Yanvar faciəsini dünyaya ilk yayan fədai idi Oruc...

O vaxt üçün mümkün olmayanları edən kişilərdən idi Oruc...

Sinəsini rus tankına sipər edən oğullardan idi Oruc...

YERİ GƏLMİŞKƏN: Orus Musa oğlu Şirinov. 1959-cu ilin Mart ayının 15-də Qubadlı rayonunun Hal kəndundə doğulmusdu.

Orucluğun ilk günü doğulduğuna görə adını Oruc qoymuşdular. Dini inanclara görə Oruc uzin ömür yaşamalı idi...

: XƏBƏRLƏR; 2021-01-19T08:02:54+00:00

Şuşa şəhərinin əsasını 1752-ci ildə Qarabağ xanı Pənahəli xan Cavanşir (1693-1763) qoyub. Oğlu İbrahimxəlil xan (1732-1806) Şuşa dağının ətəyində yerləşən mənzərəli "Xanbağı"nda ailəsi ilə soyuq payız-qış aylarını keçirmək məqsədilə iqamətgah tikdirib, həmin ərazi də İbrahimxəlil xanın adı ilə el-oba arasında artıq Xankəndi kimi işlənib. Oğlu Mehdiqulu xan ailəsinin və yaxın qohumlarının qış aylarını keçirdiyi Xankəndini sevimli xanımı Pəricahan bəyimə hədiyyə edir.

: XƏBƏRLƏR; 2021-01-14T10:52:47+00:00

İşğaldan azad edilən torpaqları yenidən daimi Vətənə çevirmək üçün Qubadlı, Zəngilan, Laçın rayonlarının Ermənistan sərhədləri yaxınlığında çoxminlik əhalinin yaşaya biləcəyi yeni abad, müasir şəhər, qəsəbə, kəndlər tikməliyik, necə ki, bədnam, üzdəniraq məkrli qonşularımız 1920-ci illərə qədər Azərbaycan türklərinin əzəli yurd yerləri, Zəngəzur bəylərinin mülkü olmuş tarixi dədə-baba ellərimizdəki kiçik kəndlərin yerində Qafan, Qacaran, Gorus kimi 50-100 min əhalinin yaşadığı iri, səliqə-sahmanlı, yaraşıqlı şəhərlər, Zeyvə, Xinzirək kimi rahat yaşayış üçün hər cür şəraiti olan böyük kəndlər inşa edib məskunlaşdırma aparıblar, biz də o yolu getməliyik. Ermənilər heç vaxt düz-düzəngahda, əkin-biçinə yararlı, çay, sel-su basma ehtimalı olan yerlərdə yaşayış yeri tikməzdi, onlar fitnə-fəsad, məkrlə əldə etdikləri torpağın hər qarışının qədir-qiymətini, dəyərini bilirdilər.

Page 78 of 94