SAYTDA AXTAR
FAYDALI LİNKLƏR
Zəngəzur Cəmiyyətləri Birliyi təltif edildi
qhtxeber.az// Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası 2014-cü ildəki fəaliyyətinin nəticələri haqqında hesabat konfransı keçirib. Toplantını açıq elan edən Şura sədri, millət vəkili Azay Quliyev QHT-lərə dövlət dəstəyi Konsepsiyasında göstərilən istiqamətlər üzrə rəhbərlik etdiyi qurumun 2014-cü ildə vətəndaş cəmiyyətinin inkişafı sahəsində həyata keçirdiyi fəaliyyətin uğurlu və məhsuldar olduğunu deyib.
Hacı Nərimanoğlunun “Zəngəzur və Qarabağda ermənilərin törətdikləri qətliamlar Osmanlı-Türkiyə mənbələrində” kitabı çapdan çıxıb
Yazıçı-publisist Hacı Nərimanoğlunun sayca 12-ci olan “Zəngəzur və Qarabağda ermənilərin törətdikləriqətliamlar Osmanlı-Türkiyə mənbələrində” kitabı çapdan çıxıb. Kitab Azərbaycan Respublikasının Prezidenti yanında Qeyri-HökumətTəşkilatlarına Dövlət Dəstəyi Şurasının maliyyə dəstəyi ilə “Zəngəzur”Cəmiyyətləri Birliyi tərəfindən həyata keçirilən ”Ermənilərin Zəngəzur və Qarabağda törətdikləri soyqırıma dair Osmanlı-Türkiyə arxivlərində" saxlananmaterialların tədqiqi, toplanması, dərci, Türkiyə və Azərbaycanda mövzuilə bağlı tədbirlərin təşkili“ layihəsi çərçivəsində nəşr edilib.
“Zəngəzur” Cəmiyyətləri Birliyinin sədri Türkiyədə görüşlər keçirib
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı çərçivəsində “Zəngəzur” Cəmiyyətləri Birliyinin sədri yazıçı-publisist Hacı Nərimanoğlu Türkiyədə bir sıra görüşlər keçirmişdir.
O, Rizə şəhərindəki Rəcəb Tayyib Ərdoğan Universitetinin rektoru Prof.Dok. Hüseyin Karaman ilə görüşüb, rektora müəllifi olduğu, Bakıda nəşr edilmiş “Rəcəb Tayyib Ərdoğan” kitabını hədiyyə edib. Universitetin Kitabxana Mərkəzində tədbir təşkil olunub. Səmimi əhvali-ruhiyyədə keçən görüşdə Birliyin sədri çıxış edib.
Kitabxanya Azərbaycan, türk, ingilis, ərəb dillərində kitablar, Heydər Əliyev Fondunun layihəsi olan audio-video disklər, ermənilərin Qarabağda törətdikləri qətliamları əks etdirən foto-albomlar hədiyyə edilmişdir.
K. Hüseynov-100: “Zəngəzur” Cəmiyyətinin qurucusu və ilk sədri
"Kamran Hüseynov respublikada dövlət idarəçiliyi və iqtisadiyyatın müxtəlif sahələrində səmərəli fəaliyyət göstərmiş, uzun illər ərzində təqdirəlayiq xidmətləri ilə ölkənin ictimai-siyasi həyatına layiqli töhfələr vermişdir.”
Azərbaycan Respublikası Prezidentinin K.Ə.Hüseynovun 100 illik yubileyinin keçirilməsi haqqında 6 avqust 2013-cü il tarixli Sərəncamından
Əyyub Abasovun “Zəngəzur” romanı nəşr edilib
İstedadlı yazıçı, şair, dramaturq, jurnalist, əməkdar incəsənət xadimi Əyyub Abasovun “Zəngəzur” romanı iki kitabda nəfis tərtibatla nəşr edilmişdir. Azərbaycanın tarixi Zəngəzur mahalında 1918-20-ci illlərdə yaşanmış faciələri zəngin tarixi faktlarla, bədii detallarla əks etdirən bu əsər dövrün hadisələrini dəyərləndirmək baxımından əvəzsiz mənbədir.
"Qubadlı: Qədim Azərbaycan torpağı Zəngəzurun qapısı” adlı monoqrafiya nəşr olunub
Azərbaycan Milli Elmlər Akademiyasının (AMEA) Tarix İnstitutunda “Qubadlı: Qədim Azərbaycan torpağı Zəngəzurun qapısı” adlı monoqrafiya nəşr olunub. Tarix İnstitutundan verilən məlumata görə, əməkdar elm xadimi, AMEA-nın müxbir üzvü Yaqub Mahmudovun rəhbərliyi və baş redaktorluğu ilə nəşr edilən monoqrafiya erməni işğalı altında qalan qədim Azərbaycan yurdu Qubadlının tarixi haqqındadır. Əsər ən qədim zamanlardan yaşadığımız günlərədək Qubadlı tarixini əhatə edir. Tədqiqatda Qubadlının qədim Azərbaycan torpağı Zəngəzurun ayrılmaz tərkib hissəsi olması təkzibolunmaz tarixi faktlar və arxiv sənədləri əsasında sübut olunur. Əsərdə Qubadlının qəhrəman oğullarının erməni işğalçılarına qarşı mübarizəsinə, erməni təcavüzkarlarının rayon ərazisində törətdikləri dağıntılara, tarixi abidələri məhv etmələrinə və törətdikləri vəhşiliklərə dair faktlara geniş yer verilib. 5 fəsildən ibarət olan monoqrafiya elmi ictimaiyyət və geniş oxucu kütləsi üçün nəzərdə tutulub.(trend)