Ukrayna Silahlı Qüvvələri Britaniya istehsalı olan “Storm Shadow” (Fırtına kölgəsi) uzaqmənzilli raketləri ilə Rusiya ərazisinin dərinliklərindəki hədəflərə endirdiyi ilk zərbə ilə bağlı sensasion iddia yayılıb.

zengezur.com axar.az saytına istinadla xəbər verir ki, “Global Defense Corp” portalı Britaniya raketləri ilə Ukrayna ordusunun Kursk vilayətinin Marino kəndində yüksək rütbəli komandirlərin də olduğu yeraltı komanda məntəqəsini darmadağın etdiyini bildirib.

İddiaya görə, bu hücum nəticəsində rusiyalı general-leytenant Valeri Solodçuk, Rusiya ordusunun 18 zabiti, həmçinin Ukraynaya qarşı müharibədə iştirak etmək üçün Rusiyaya gələn Şimali Koreyanın 500 əsgəri ölüb.

Bundan əlavə, 33 rus, iki koreyalı əsgər, bir qadın tərcüməçi yaralanıb.

Azərbaycanla Türkiyə arasında nəqliyyat sahəsində ən böyük layihə Zəngəzur dəhlizidir.

zengezur.com APA-ya istinadən xəbər verir ki, bunu jurnalistlərə açıqlamasında Türkiyənin nəqliyyat və infrastruktur naziri Abdulqadir Uraloğlu deyib.

“Bu istiqamətdə Azərbaycan tərəfi ilə sürətli formada proseslərə davam edirik. Dəhlizin Ermənistan və ya İran tərəfi olmaqla haradan keçəcəyinə azərbaycanlı qardaşlarımız qərar verəcək. Sonra bu dəhliz Naxçıvan üzərindən Türkiyəyə gələcək. Türkiyədə də layihəmizi bitirdik, tenderimizi etdik, qarşıdakı günlərdə tikinti işlərinə başlayaraq Türkiyə ilə Azərbaycan arasında birbaşa nəqliyyat əlaqəsini təmin edəcəyik”, - nazir bildirib.

Ukrayna müharibənin 1001-ci günü üçün Rusiya ordusunun itkiləri haqda məlumatı yeniləyib.

zengezur.com Axar.az - istinadla xəbər verir ki, bu barədə Ukrayna Baş Qərargahı məlumat yayıb.

Məlumata əsasən, Rusiya indiyə qədər 725 740 hərbçi, 9 390 ədəd tank, 19 119 ədəd zirehli döyüş maşını, 20 681 ədəd artilleriya sistemi, 1 252 ədəd RYAS (reaktiv yaylım atəş sistemi), 1001 hava hücumundan müdafiə sistemi, 369 ədəd hərbi təyyarə, 329 ədəd helikopter, 29 648 ədəd avtomobil texnikası, 19 202 ədəd PUA, 2 756 qanadlı raket, 28 gəmi/kater, 1 sualtı qayıq, 3 674 xüsusi avadanlıq itirib.

zengezur.com xəbər verir ki, noyabrın 19-da Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə iclasında maliyə naziri Samir Şərifov bildirib ki, 2025-ci ildə “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın icrası üçün 4 milyard manat vəsaitin ayrılması nəzərdə tutulub.

Ermənistan öz Konstitusiyasında dəyişikliklər edənə və bütün hüquqi və siyasi tələblərdən imtina edənə qədər Ermənistanın Azərbaycanın ərazi bütövlüyü və suverenliyini tanıması barədə bəyanatlarının heç bir hüquqi əsası yoxdur.

zengezur.com xəbər verir ki, bunu Azərbaycan Xarici İşlər Nazirliyinin sözçüsü Ayxan Hacızadə X-də yazıb.

O bildirib ki, tarixi faktları təhrif etməmək lazımdır:

"1919-cu ildə Sülh Konfransına təqdim edilmiş xəritədə nümayiş etdirilən rayonlar məsələsinə gəldikdə (Baş nazir hazırda Ermənistanın ərazisi sayılan Zəngəzur, Dərələyəz vilayətlərinin tam, həmçinin Ararat, Armavir, Göyçə, Tavuş, Şirak, Lori vilayətlərinin bir hissəsinin Azərbaycanın olduğunu təsdiqləyən xəritədən bəhs edir - red.), tarixi faktları təhrif etməmək üçün xatırlatmaq lazımdır. Bu bölgələrin rəsmi olaraq Ermənistanın tərkibinə daxil edildiyi tarixlər Azərbaycan xəritəsinin Antantaya təqdim edilməsindən xeyli sonradır: Sünik (Zəngəzur) – 30 noyabr 1920 və Vayots Dzor (Dərələyəz) – 10 avqust 1920. Sadalanan digər bölgələrə gəlincə, Baş nazirin sözlərinə görə, onların hissələrinin çoxu dəyişdirilmiş inzibati bölgü ilə Sovet Ermənistanına daxil edilmişdir ki, bu da bəzi hallarda 16 mart 1921-ci il tarixli Moskva müqaviləsi kimi beynəlxalq müqavilələri pozub".

E

Noyabrın 12-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Liderlər Sammitinin açılış mərasimində Azərbaycan Respublikasının Prezidenti İlham Əliyev dedi: " bizim 196 ölkədən gəlmiş və qeydiyyatdan keçmiş 72 min iştirakçımız var. Onların sırasında 80 prezident, vitse-prezident və Baş nazirlər var. Beləliklə, dünya Bakıya toplaşıb və biz bütün dünyaya deyirik: Azərbaycana xoş gəlmisiniz!"