XƏBƏRLƏR

Sumqayıt Regional Mədəniyyət İdarəsinin Qubadlı Rayon Mərkəzi Kitabxanasında (MKS) “Zəngəzur” Cəmiyyətləri İctimai Birliyinin yaradılmasının 30 illiyinə həsr olunmuş dəyirmi masa keçirilib.

MKS-in direktoru Müşgünaz Muradova, Mədəniyyət işçiləri həmkarlar ittifaqı Qubadlı rayon təşkilatının sədri Yaqub Vəliyev, Rayon Mədəniyyət Evinin direktoru Ziba Kazımova və başqalarının çıxışlarında ölkəmizdə qeyri-hökumət təşkilatlarının fəaliyyətinə yaradılan münbit şəraitdən, ölkəmizin ilk QHT-dən olan “Zəngəzur” Cəmiyyətləri İctimai Birliyinin fəaliyyətindən bəhs olunub, Birliyin qurucusu və ilk sədri, tanınmış dövlət və ictimai xadim  Kamran Hüseynovun xatirəsi ehtiramla anılıb.

Qeyd olunub ki, İctimai Birlik son illər Azərbaycan, Çexiya və Türkiyədə 11 layihə icra edib, Fəxri fərmanlara layiq görülüb, 15 adda kitab buraxdırıb, Azərbaycan həqiqətlərinin yayılmasında, erməni təbliğatının qarşısının alınmasında mühüm işlər görüb.2013-cü ildən Birliyin zengezur.com saytı fəaliyyətdədir.Birliyin Sisian, Gorus, Qafan, Meğri, Laçın, Zəngilan, Qubadlı, Kəlbəcər, Cəbrayıl rayon və Türkiyə nümayəndəliyi vardır. Birlik cari ildə icra etdiyi “Şərqi Zəngəzura qayıdışa mənəvi dəstək” layihəsi çərçivəsində Birliyin İdarə Heyətinin sədri, tarix üzrə fəlsəfə doktoru Hacı Nərimanoğlunun müəllifliyi ilə “Şərqi Zəngəzur”, ”Qardaşlığın zəfəri” və “Şəhidlər” elmi-publisistik kitablarını nəşr olunub. Kitablar şəhid ailələrinə, respublikamızın təhsil, mədəniyyət obyektlərinə, kitabxanalara, yerli icra strukturlarına, QHT və KİV-ə təqdim edilir.

Şəhid Milli Qəhrəman, polkovnik Şükür Həmidovun atası Nəriman Həmidov Vətən müharibəsinin qəhrəmanlarına həsr edilmiş “Şəhidlər” kitabında oğlunun ömür və döyüş yolunun da geniş əks olunduğunu görməkdən razı qaldığını bildirib.

Sonda İctimai Birliyin fəaliyyətinə həsr olunmuş foto-video materiallar nümayiş olunub, Birliyin nəşr etdirdiyi və MKS-a hədiyyə edilən kitablar sərgilənb.

https://azertag.az/print/2087381

https://butov.az/xeber/sosial/21065-qht-nin-30-illiyi-qeyd-edilib.html

Daha ətraflı:

https://zengezur.com/KITABLAR/Sherqi-Zengezur-A5.pdf  səh.214-215:

"Zəngəzur" Cəmiyyətləri İctimai Birliyi – 30

Azərbaycanın ilk QHT-lərindən biri olan “Zəngəzur” Cəmiyyətləri İctimai Birliyi 1992-ci ilin aprelində Bakı Dövlət Universitetinin Akt zalında Zəngəzur bölgəsindən olan 300-dən çox tanınmış alim, yazar, ziyalının iştirakı ilə keçirilən təsis konfransında yaranıb və 1992-ci ilin mayında Dövlət qeydiyyatına alınıb.

Birliyin ilk sədri Kamran Əsəd oğlu Hüseynov 15 dekabr 1913-cü ildə Qubadlı rayonunun Çərəli kəndində anadan olub. Binəqədi, Neftçala rayon, Mingəçevir, Sumqayıt şəhər partiya komitələrinin birinci katibi, respublika Həmkarlar İttifaqları Şurasının sədri, Moskva şəhərində Ümumittifaq Həmkarlar İttifaqları Mərkəzi Şurasının katibi, Azərbaycan SSR Nazirlər Soveti sədrinin müavini, respublika Ticarət və Sənaye Palatasının sədri vəzifələrində işləyib. Azərbaycan və RSFSR Ali Sovetlərinin deputatı olub. Tarix elmləri doktoru, müxtəlif dillərdə çap olunmuş 16 kitabın müəllifidir. Azərbaycanın ictimai-siyasi həyatında uzun illər səmərəli fəaliyyətinə görə «Şöhrət» ordeni ilə təltif edilib. 2006-cı il aprelin 20-də ömrünün 93-cü ilində vəfat edib.

Birliyin ikinci sədri Tofiq Şəfaət oğlu Mehdiyev 14 sentyabr 1946-cı ildə Zəngilan rayonunun Pircivan qəsəbəsində anadan olub. Kənd Təsərrüfatı Nazirliyində, Azərbaycan KP MK-da işləyib, Zəngilan Rayon Partiya Komitəsinin birinci katibi, “Azərittifaq”ın sədri vəzifələrində çalışıb. MKnın üzvü, XI, XII çağırış Azərbaycan SSR Ali Sovetinin deputatı seçilib. Dövlət Müstəqilliyi haqqında Konstitusiya Aktına imza atan, müstəqil Azərbaycanın Dövlət atributlarının-Bayraq, Himn, Gerbinin qəbul olunmasına səs verən deputatlardan biri olub. Birliyin sədrliyindən könüllü istefa verdikdən indiyədək Ağsaqqallar Şurasının sədridir.  “Zamanın axarında Zəngəzursuz illərim” kitabı nəşr olunub.

2010-cu ildən İctimai Birliyin sədri Hacı Nərimanoğludur. Qubadlı rayonunun Saray kəndində doğulub, Qubadlı rayon komsomol, icraiyyə komitələri, icra hakimiyyəti, AzərTAc Dövlət İnformasiya Agentliyi, AR Prezidenti yanında Strateji Araşdırmalar Mərkəzi, AR Sənaye və Energetika Nazirliyi, AR Prezidenti yanında Bilik Fondu, Azərbaycan Dövlət Tərcümə Mərkəzində işləyib. 22 kitabın, tərcümə əsərlərinin, Azərbaycan, türk, rus, ingilis dillərində dərc olunmuş 100-dən çox elmi, elmi-publisistik məqalənin müəllifidir. Birlik QHT Şurasının dəstəyi ilə Azərbaycan,Çexiya və Türkiyədə 11 layihəni icra edib, Fəxri fərmanlara layiq görülüb, layihələrin icrası dəfələrlə "əla" qiymətləndirilib, 15 adda kitab buraxdırıb. 2013-cü ildən Birliyin
zengezur.com saytı fəaliyyətdədir. Birliyin Sisian, Gorus, Qafan, Meğri, Laçın, Zəngilan, Qubadlı, Kəlbəcər, Cəbrayıl özəkləri və Türkiyədə nümayəndəliyi vardır.*

Baxış sayı: 278

Tarix üzrə fəlsəfə doktoru, yazıçı publisist Hacı Nərimanoğlunun “Qardaşlığın Zəfəri” kitabı nəşr olunub.

AZƏRTAC xəbər verir ki, Türkiyə Prezident Administrasiyasının təhlükəsizlik və xarici siyasət komissiyasının üzvü, Türkiyə-Azərbaycan Dostluq, Əməkdaşlıq və Həmrəylik Fondunun rəhbəri professor Aygün Attarın “İki liderin, iki dövlətin bənzərsiz qardaşlığı” adlı “Ön sözü” və qardaş ölkənin Azərbaycandakı keçmiş səfiri Hulusi Kılıçın məsləhətçiliyi ilə çıxan kitab 44 günlük Vətən müharibəsində xalqımıza qələbə sevinci, şərəf, qürur yaşadan ordumuza, şəhid və qazilərimizə, bu möhtəşəm Zəfərin qazanılmasında, tarixi ədalətin bərpasında müstəsna xidmətləri olmuş Azərbaycan Prezidenti İlham Əliyev ilə Türkiyə Prezidenti Rəcəb Tayyib Ərdoğanın qardaşlıq münasibətlərinə həsr edilib.

Kitabda Vətən müharibəsində müzəffər Ordumuzun misilsiz qəhrəmanlığı sayəsində işğaldan azad edilmiş Qarabağ və Şərqi Zəngəzur bölgələrində həyata keçirilən genişmiqyaslı tikinti-quruculuq işləri, mənfur düşmənin murdar ayaq izlərinin itirilməsi, məhv edilmiş mülki, sosial obyekt və infrastrukturun yenidən dirçəlişinə Türkiyənin dəstəyi, dövlətlərimizin başçılarının və xanımlarının Qarabağ və Şərqi Zəngəzur regionuna səfərləri, tarixi Şuşa Bəyannaməsinin siyasi, hərbi, ictimai-mənəvi əhəmiyyəti sənədlər, fotoinformasiya materialları, analitik təhlillərlə qeyd olunub. Müəllifin eyni soy-kökə, dil və dinə mənsub iki ölkənin, xalqın tarixin müxtəlif dövrlərində sınaqdan çıxmış qardaşlığına dair elmi-publisistik araşdırmaları, Vətən müharibəsinin ilk günündən başlayaraq yazdığı, KİV-də yayılan hərbi-vətənpərvərlik motivli məqalələrinin bir hissəsi də kitaba daxil edilib.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Zəngəzur” Cəmiyyətləri İctimai Birliyinin həyata keçirdiyi “Şərqi Zəngəzura qayıdışa mənəvi dəstək” layihəsi çərçivəsində rəngli formatda çapdan çıxan kitabın nüsxələri işğaldan azad edilmiş rayonlar başda olmaqla, respublikamızın təhsil, mədəniyyət obyektlərinə, kitabxanalara, yerli icra strukturlarına, iki ölkənin QHT-lərinə və KİV-inə paylanıb.

https://azertag.az/xeber/Qardasligin_Zeferi_kitabi_chapdan_chixib-2066249

Baxış sayı: 189

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə "Zəngəzur" Cəmiyyətləri İctimai Birliyinin həyata keçirdiyi “Şərqi Zəngəzura qayıdışa mənəvi dəstək” layihəsi çərçivəsində tarix üzrə fəlsəfə doktoru, yazıçı publisist Hacı Nərimanoğlunun “Şərqi Zəngəzur” kitabı nəşr olunub.

Müəllif və layihə rəhbəri H.Nərimanoğlu deyir: ötən ilin ən mühüm ictimai-siyasi hadisələrindən biri Azər­bay­can Res­pub­li­ka­sı­nın Pre­zi­den­ti İl­ham Əli­ye­vin “Azər­bay­can  Res­pub­li­ka­sın­da  iq­ti­sa­di  ra­yon­la­rın  ye­ni  böl­gü­sü  haq­qın­da”  7 iyul 2021-ci il ta­rix­li Fər­ma­nı ilə  iş­ğal­dan azad edil­miş əra­zi­lə­ri­miz­də Qa­ra­bağ iq­ti­sa­di ra­yo­nu (Xan­kən­di şə­hə­ri, Ağ­ca­bə­di, Ağ­dam, Bər­də, Fü­zu­li, Xo­ca­lı, Xo­ca­vənd, Şu­şa və Tər­tər ra­yon­la­rı) və “Şər­qi Zən­gə­zur iq­ti­sa­di ra­yo­nu”nun (Cəb­ra­yıl, Kəl­bə­cər, Qu­bad­lı, La­çın və Zən­gi­lan ra­yon­la­rı) ya­ra­dıl­ma­sı oldu.

“Füyuzat” nəşriyyatında yeni çapdan çıxan kitabda keçmiş məcburi köçkün vətəndaşlarımızın doğ­ma də­də-ba­ba yurd­la­rına qa­yı­dışına mənəvi dəstək nəşrdə əsas məqsəd, ümdə qayə olaraq qırmızı xətt kimi keçir.

220 səhifəlik rəngli nəşrdə dövlətimizin başçısı, Ali Baş Komandan İlham Əliyev və Azərbaycan Respublikasının Birinci vitse-prezidenti Mehriban xanım Əliyevanın Şərqi Zəngəzur bölgəsinə səfərləri, fəaliyyət proqramlı çıxışlarında qarşıya qoyduğu vəzifələrə həsr olunmuş materiallar xüsusi yer tutur.

Kitabda 2020-ci ilin 44 günlük Vətən müharibəsində müzəffər ordumuzun misilsiz qəhrəmanlığı sayəsində işğaldan azad edilmiş Şərqi Zəngəzur bölgəsinə daxil olan bu rayonların hər birinin uzaq və yaxın keçmişi, iqtisadi potensialı, təbii sərvətləri, I və II Qarabağ müharibəsi tarixi ayrı-ayrı  oçerklərdə  əks olunub. Zən­gə­zur ma­ha­lı­nın ta­ri­xi keç­mi­şi, ha­zır­da iş­ğal­dan azad edil­miş böl­gə­lər­də apa­rı­lan ge­niş miq­yas­lı ti­kin­ti, qu­ru­cu­luq iş­lə­ri, mən­fur düş­mə­nin mur­dar ayaq iz­lə­ri­nin iti­ril­mə­si, məhv edil­miş mül­ki, so­si­al ob­yekt və inf­rast­ruk­tur­la­rı­nın ye­ni­dən dir­çə­li­şi, Şər­qi Zən­gə­zu­run gə­lə­cək mən­zə­rə­si, in­ki­şaf pers­pek­tiv­lə­ri kitabda sənədlər, foto-informasiya, analitik təhlillərlə qələ­mə alı­nıb. Müəllifin Və­tən mü­ha­ri­bə­si­nin ilk gü­nün­dən başlayaraq ya­zdığı, KİV-də yayılan hərbi-vətənpərvərlik motivli mə­qa­lələrinin bir his­sə­si də ki­ta­ba da­xil edi­lib.

Filologiya elmləri doktoru, professor Əliağa Cəfərovun redaktorluğu və ön sözü ilə buraxılan nəşr Şərqi Zəngəzur bölgəsinin tarixinə və bu gününə həsr olunmuş  ilk elmi, publisistik kitabdır.

Kitabın nüsxələri işğaldan azad edilmiş rayonlar ilk sırada olmaqla, respublikamızın təhsil, mədəniyyət obyektlərinə, kitabxanalara, yerli icra strukturlarına paylanır.

Baxış sayı: 204

 https://avropa.info/post/391690?fbclid=IwAR1t0PzC6-RhxFxlASNl1pS1ilO0CGRBKSsiMzjwWS9AxHyiwLSOuOor7g4

Hacı Nərimanoğlu,  "Zəngəzur" Cəmiyyətləri İctimai Birliyinin sədri

Baxış sayı: 666