Türkiyə Milli Təhsil Nazirliyinin dərsliklərdə “Mərkəzi Asiya” ifadəsinin “Türküstan”la əvəz olunması barədə qərarı türklərin tarixi məskənlərindən biri olan bu coğrafiyada türk milli kimliyinin, milli özünüdərk və vətənpərvərlik hisslərinin gücləndirilməsinə, Türk Dövlətləri Təşkilatının əsas məramının gerçəkləşməsinə yeni stimul verəcəkdir.

Arzu edilən, gözləniləndir ki, Türkiyənin Milli Təhsil Nazirliyi Azərbaycanlılar üçün də sovet - KQB rejiminin məkrli niyyətlərlə yapışdırdığı "azəri", "azərbaycanlı" yarlığı əvəzinə "Azərbaycan türkləri" ifadəsinin işlənməsi barədə müvafiq qərar versin, tarixi ədalət və həqiqətin bərpası naminə belə bir addım atsın.

Bu, yüz ildən artıqdır milli düşüncəli türk aydınlarının mübarizə apardığı idealın reallaşmasına - dünya, TDT, Anadolu, Qafqaz, Güney Azərbaycan türklərinin də birliyinin təkcə sözdə deyil, fikirdə, dildə, əməldə birliyinin güclənməsinə çox əhəmiyyətli, mühüm töhfə olardı.

Hacı Nərimanoğlu, tarix üzrə fəlsəfə doktoru

2024-cü ilin 3 oktyabrında paytaxt Ankarada Türk Dövlətləri Təşkilatının təşkilatçılığı ilə “Türk əməkdaşlığının hazırkı vəziyyəti və gələcək perspektivləri” adlı panel keçirilib.

zengezur.com https://www.trt.net.tr/azerbaycan/video/turkiye-3/turk-m-kdasliginin-hazirki-v-ziyy-ti-v-g-l-c-k-perspektivl-ri-video  istinadla xəbər verir ki, Türk Dövlətləri Təşkilatının yaradılması üzrə Naxçıvan Sazişinin 15-ci ildönümü və 3 Oktyabr - Türk Dövlətləri Əməkdaşlıq Günü münasibətilə keçirilən sessiyada Türk dövlətləri arasında əməkdaşlığın əldə olunmuş nailiyyətləri və gələcək perspektivləri müzakirə olunub.

Açılış nitqi ilə çıxış edən TDT-nin Baş katibi, səfir Kubanıçbek Ömireliyev Türk dövlətləri arasında siyasi, iqtisadi və mədəni əlaqələrin inkişafında əldə edilən irəliləyişlərdən danışdı, Türklərin rifahı və birliyi naminə əməkdaşlığın davam etdirilməsinin vacibliyini vurğuladı.

Baş katibin çıxışından sonra Türk İnvestisiya Fondunun prezidenti Bağdat Amireyev qardaş ölkələr arasında iqtisadi inteqrasiya, birgə layihələr üçün alternativ resursların yaradılması, xarici investisiyaların cəlb edilməsi kimi məsələlərə toxundu.

Türk Akademiyasının prezidenti, professor Şahin Mustafayev daha inteqrasiya olunmuş Türk dünyası üçün həyata keçirilən elmi və mədəni layihələrdən bəhs etdi.

TÜRKPA-nın Baş katibi Mehmet Süreyya Er qardaş Türk dövlətlərini birləşdirən əlaqələrin hər sahədə olduğu kimi parlamentlər arasında da güclü səviyyəyə çatdığını bildirdi.

Türk Mədəniyyəti və İrsi Fondunun prezidenti, professor Aktotı Rayimkulova dedi ki, türk dövlətlərinin bir təşkilat olaraq birləşməsi qardaşlıq bağlarını gücləndirən əsas kimi ortaq kimliyin qorunub saxlanılmasına imkan verir. “Bizim mənəvi irsimiz sərvətimizdir. Bu, həm də şəxsiyyətimizin mahiyyəti, bizə yol göstərən nurdur”.

TÜRKSOY Baş katibinin müavini Sait Yusuf “Türk Dünyasının əslində “bir dünya” demək olduğunu, ümumtürk mədəniyyətinin və tarixinin hər yerdə təsirli iz qoyduğunu vurğuladı.

Etiketlәr: Türk Mədəniyyəti və İrsi Fondu prezidenti , 3 Oktyabr - Türk Dövlətləri Əməkdaşlıq Günü , Türk Dövlətləri Təşkilatı 15 yaş , Naxçıvan Sazişi 15 illiyi Ankara , Türk İnvestisiya Fondu prezidenti Bağdat Amireyev , TDT baş katibi Kubanıçbek Ömireliyev , Türk Akademiyası prezidenti , professor Şahin Mustafayev , TÜRKPA Baş katibi Mehmet Süreyya Er , professor Aktotı Rayimkulova , TÜRKSOY Baş katibi müavini Sait Yusuf

Oktyabrın 8-də Rusiya Prezidenti Vladimir Putin azərbaycanlı həmkarı İlham Əliyev və Ermənistan Baş naziri Nikol Paşinyanla görüşlərdə Zəngəzur dəhlizi mövzusunu müzakirə edib.

zengezur.com Teleqraf.com-a istinadla xəbər verir ki, bunu Rusiya prezidentinin mətbuat katibi Dmitri Peskov deyib.

“Putin hər biri ilə ayrı-ayrılıqda görüşüb. Rusiya prezidentinin bu görüşlərinin hər biri yarım saat çəkib və fikir mübadiləsi aparılıb. Zəngəzur dəhlizi mövzusuna da toxunulub”, - Kremlin sözçüsü bildirib.

Rusiya lideri Azərbaycan prezidenti və Ermənistan baş naziri ilə bu gün Moskvada görüşüb.

zengezur.com xəbər verir ki, bunu Rusiya Prezidenti Vladimir Putin oktyabrın 8-də Moskvada keçirilən MDB Dövlət Başçıları Şurasının məhdud tərkibdə iclasında deyib.

“Biz hər il Birliyin mədəniyyət paytaxtını seçirik və o, bütün ölkələrimizin vətəndaşlarının böyük marağına səbəb olan parlaq, yaradıcı və humanitar tədbirlərin mərkəzinə çevrilir. Hazırda mədəniyyət paytaxtı Səmərqənddir. Təklif olunan qərar layihəsinə uyğun olaraq gələn il estafeti Azərbaycanın Laçın şəhəri qəbul edəcək”, - V.Putin bildirib.

Xəbər yayıldığı kimi, 2-ci ordu korpusunun komandiri general-leytenant Mais Bərxudarov vəzifəsindən azad edilib. Onun yerinə general-mayor Quliyev Vilayət Bərxuda oğlu təyin olunub.

Mais Şükür oğlu Bərxudarov 1976-cı il aprelin 20-də Qubadlı rayonunun Dəmirçilər kəndində anadan olub.

Uşaq yaşlarında Əliyar Əliyevin məşqçiliyi altında güləşlə məşğul olub. 1993-cü ilin avqustunda Qubadlı rayonunun Ermənistan Silahlı Qüvvələri tərəfindən işğal edilməsindən sonra Mais Bərxudarov Cəmşid Naxçıvanski adına hərbi liseyə daxil olub.

1993-cü ildə cəbhəyə yollanmağı qərara alsa da, general Valeh Bərşadlı onu yanına çağırıb və hələ tez olduğunu bildirib.

Baş leytenant ikən Azərbaycanın mərhum prezidenti Heydər Əliyevin 24 iyun 1998-ci il tarixli 735 nömrəli Sərəncamına əsasən “Azərbaycan Bayrağı” ordeni ilə təltif edilib.

Azərbaycan Prezidenti İlham Əliyevin 25 iyun 2012-ci il tarixli 2305 nömrəli Sərəncamına əsasən isə “Vətən uğrunda” medalına layiq görülüb.

2016-cı il aprelin 1-5-i Qarabağda gedən döyüşlər zamanı korpus komandiri olan polkovnik Mais Bərxudarov döyüşlər başlayan kimi özü də əsgərlərə qoşularaq, Lələtəpə yüksəkliyini və onkilometrlərlə ərazini azadetmə əməliyyatında şəxsən iştirak edib. Lələtəpənin alınmasında göstərdiyi şücaətə və hərbi bacarığa görə ona general-mayor rütbəsi verilib.

Azərbaycanın Cəbrayıl rayonunun, Xocavənd rayonunun, Füzuli rayonunun və Zəngilan rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin müvafiq Sərəncamlarına əsasən Mais Bərxudarov “Cəbrayılın azad olunmasına görə”, “Xocavəndin azad olunmasına görə”, “Füzulinin azad olunmasına görə”, “Zəngilanın azad olunmasına görə” və “Qubadlının azad olunmasına görə” medalları ilə təltif edilib.

Vətən müharibəsinin ilk günlərdə onun əsir düşməsi və ya şəhid olması ilə bağlı məlumatlar sürətlə yayılmışdı. Digər məlumat isə generalın mühasirəyə düşməsi ilə bağlı idi. Lakin sonradan Müdafiə Nazirliyinin yaydığı görüntülərdə onun sağ olduğu və xidmətinə davam etdiyi təsdiqləndi.

Bununla belə, onun Cəbrayılın Nüzgar kəndindəki “Vilayət” postunda yaralanması haqda iddialar var. Ümumilikdə müharibə dönəmində 3 dəfə yaralandığı iddia edilsə də, general Bərxudarov bu barədə danışmayıb. Lakin Qubadlıda generalın mühafizəsini təşkil edən Şamxal Abbasovun qəhrəmancasına şəhid olması həm də Mais Bərxudarovun ermənilərin hədəfində olması kimi izah edilir.

“Operativ Media” yazır ki, M.Bərxudarov ön xəttin yarılması, Cəbrayıl, Qubadlı şəhərlərinin azad olunmasında döyüş mövqeyində olub:

“Füzulinin açarı olan 3 hücum istiqaməti, Cəbrayılın taleyini həll edən Mehdili valının yarılması, 7 oktyabr ermənilərin 1000 dən çox şəxsi heyətlə hazırladığı əks hücumun qarşısının alınması, Zəngilana gedən yol üçün çox əhəmiyyətli olan “Əmirvarlı” səddinin yarılması, Qubadlının açarı olan “Yazı Düzü” nün azad edilməsi və Şuşa əməliyyatında Laçın dəhlizindən düşmən təminatının qarşısının alınması bölmələrinə birbaşa döyüş mövqeyində rəhbərlik edib.

2023-cü ilin 19-20 sentyabrında keçirilən antiterror tədbirlərində Mais Bərxudarovun rəhbərlik etdiyi heyət Qırmızı Bazar istiqaməti, Xocavəndin ən yüksək mövqeləri, “Üçtəpə” postu, Xocalının üzbəüz mövqeləri, Xankəndininin hakim yüksəkliklərinin azad olunmasına rəhbərlik edib.

zengezur.com Globalinfo.az saytına istinadla olu da bildirir ki, bunlarla yanaşı, Mais Bərxudarovun adı zaman-zaman “Tərtər işi”ndə hallanır. Onun bu məsələdə hansısa formada iştirakı isə istintaq prosesində təsdiqlənməyib. 

Sözardı: Mayis Bərxudarov həm Aprel döyüşlərinin, həm Vətən müharibəsinin ən bacarıqlı, peşəkar komandirlərindən biri olub, xidmətləri Prezident tərəfindən daim layiqincə dəyərləndirilib. Heç şübhə yoxdur ki, ona sədaqətini də ən gözəl bilən Ali Baş Komandandır və inanırıq ki, onun növbəti daha yüksək vəzifəsi də olacaq! Yolun açıq olsun, igid döyüşçü, general, Komandir, bu Vətən, Dövlət, Xalq səni heç vaxt unutmaycaq!

Bu münasibətlə Prezident İlham Əliyev və Birinci xanım Mehriban Əliyeva Cəbrayıl və Zəngilanda olublar, bir sıra obyektlərin açılışında iştirak ediblər, aparılan tikinti işləri ilə tanış olublar, sakinlərlə görüşüblər.