SAYTDA AXTAR
FAYDALI LİNKLƏR
TURAN aşiqi Atatürkün ömür yolu
Rəşid Bərgüşadlı hekayələri Zakir Məmmədin təhlilində: Yolun o üzü
Hekayəçilik ədəbiyyatın ən doğma işidir. Ədəbi janrların müxtəlifliyinə rəğmən ən çox müracət olunan bədii yazı növü kimi hekayənin nüfuz dairəsi genişdir. Bədii mətnlə həyatın sosial problemlərini, fərdi ruhsal qayğılarını gündəmə gətirmək üçün ən yaxşı üsul hekayə yazmaqdır. Bir hekayə ilə də böyük ədəbiyyat cəbhəsində yer tutmağın tarixi-fəlsəfi örnəkləri vardır. Bu baxımdan, hekayə ilə yaradıcılığa başlamaq, ya hekayə ilə davam etmək bədii sənət tarixində çox qələm adamının taleyini müəyyən edibdir. Bir qədər obrazlı ifadə etsək, hekayəni yazıçının taleyində alınmaz qalaya bənzətmək olar. Elə bir məqam ki, orada zaman adlı “zalımın” hücumlarından özünü qoruya bilsin. G.Mopassanın “Gombul”, C.Məmmədquluzadənin “Usta Zeynal”, S.Rəhimovun “Su ərizəsi”, Y.Səmədoğlunun “Bayatı-Şiraz” (bu arada 60-cılar adı ilə tanınan yeni Azərbaycan nəsrinin digər nümayəndələrinin və əlbəttə, dünya ədəbiyyatının tipik hekayə müəlliflərinin adlarını siyahıya əlavə edə bilərik) kimi “gülləbatmaz” hekayələri ilə təkcə bu əsərlərin müəllifini deyil, tamamən ədəbiyyatın prinsipial dəyərlərini qoruyub saxlamaq mümkündür. Bir sözlə, hekayənəvis olmadan nəsrin ağır aşırımlarına bələdçilik etmək çətindir. Bu yöndə fikrimi böyük C.Məmmədquluzadənin təbirincə desək, “dağarcığını çuvalların cərgəsinə çəkmək” istəyən bir yazıçımız, bu vaxtacan bir neçə kitablıq hekayə və bir neçə iri həcmli nəsr əsərini çap etdirmiş Rəşid Bərgüşadlı üzərində qurmaq istəyirəm.
İham Əliyev: “Azərbaycan tələb edir ki, Zəngəzur dəhlizində avtomobil yolu da çəkilsin”
"Bir nömrəli hədəf Qarabağın və Şərqi Zəngəzurun azad edilməsi idi"
Səninləyik, Türkiyə, kədərin kədərimizdir, içimiz yanır
28 iyuldan Türkiyədə meşə yanğınları başlayıb. Türkiyənin ən gözəl turizm guşələrində, təbiət bölgələrində, turizmin ən qaynar, cəlbedici çağında, müxtəlif istiqamətlərdə, küləkli gündə, çətin keçilən dağlıq ərazilərdə eyni vaxtda başlanan yanğınlar açıq-aydın düşmən terrorudur, əvvəlcədən planlaşdırılmışdır, Azərbaycanın Qarabağ uğrunda Vətən müharibəsində Türkiyənin açıq, fəal hərbi-siyasi dəstəyinə görə türk düşmənlərinin cavabıdır, Türkiyənin regionda söz sahibi, müstəqil güc sahibi olmasına qarşı böyük güclərin təhdidir, gəlirli, ən incə yerindən vurulan zərbədir. Dünya ümumi evdir, onun harasındasa ekologiyasına, havasına, flora, faunasına edilən qəsd ümumbəşəri cinayətdir. Çox üzgünük, insanlıq əleyhinə yönələn bu terror aktını lənətləyirik. Allah Türkiyəmizin, onu sevənlərin dualarının tez bir zamanda gerçəkləşməyinə, yanğın fəlakətinin, faciəsinin durdurulmasına yardımçı olsun. Səninləyik, Türkiyə, kədərin kədərimizdir.
