Orijinal yazı üslubu, dadlı-duzlu povest və hekayələri ilə geniş oxucu auditoriyasının rəğbətini qazanan Rəşid Bərgüşadlının "Gerçək yalanlar" adlı 3-cü kitabı nəşr olunub.

432 səhifəlik kitab 27 novella və hekayədən, 1 povest, 1 romandan ibarətdir. Mətnlərin redaktoru yazıçı Ataqam, korrektoru Pərviz Məmmədovdur. Kitabda toplanmış ədəbi nümunələr oxucuda xoş əhvali-ruhiyyə, sevib sevilmək duyğuları, yaşamaq həvəsi yaradır, real həyati lövhələrlə, yaddaqalan detallarla doludur. Oxunaqlı, rəvan dildə yazılmış hekayələrin bir çoxu ingilis, ukrain, rus, belarus portallarında yayılıb, müsabiqələrin qalibi olub, ən yaxşı hekayələrdən ibarət almanaxlara daxil edilib.

İstedadlı yazıçımız Rəşid Bərgüşadlını təbrik edir, yeni yaradıcılıq uğurları arzulayırıq.

Kitabı Sumqayıtda "Xan Xəzinəsi” kitab evindən (45-ci məhəllə, "Pioner" marketin yanı), Bakıda "Kitabevim.az” dükanından və onlayn olaraq "XAN Nəşriyyatı”ndan (+994 77 343 80 22 Pərviz M.) əldə edə bilərsiniz.

zengezur.com