Türkiyənin paytaxtı Ankarada Türk Dünyası Vətəndaş Cəmiyyəti toplantısı keçiriləcək.

zengezur.com Türkiyənin nüfuzlu QHT-STK-dan olan EkoAvrasiya Vakfının ekoavrasya.net saytına istinadla xəbər verir ki, toplantının aprelin 10-da keçiriləcəyi nəzərdə tutulub. Vakfın İdarə Heyətinin sədri Hikmet Eren bu barədə məlumatında bildirib ki, toplantı EkoAvrasiya Fondu, İpək Yolu İctimai Diplomatiya Təşkilatı və Türk Dünyası Vətəndaş Cəmiyyəti Əməkdaşlıq Birliyinin (TÜRKŞİT) birgə təşkilatçılığı ilə baş tutacaq:  "Məqsəd Türk dünyasında vətəndaş cəmiyyəti təşkilatları arasında əməkdaşlığın və koordinasiyanın gücləndirilməsi, gələcək vizyonun müəyyənləşdirilməsi və ortaq strategiyaların formalaşdırılmasıdır".