Hörmətli Malik müəllim,
Sizi 70 illik yubileyiniz münasibətilə səmimi - qəlbdən təbrik edirəm.
XƏBƏRLƏR
Xarici içlər naziri Ceyhun Bayramov işğaldan azad edilmiş ərazilərində yeni nəqliyyat infrastrukturunun yaradılması, o cümlədən Zəngəzur dəhlizinin fəaliyyətə başlaması ilə Orta Dəhliz boyu yeni nəqliyyat qovşağının açılması baxımından həlledici rol oynayacağını bildirib. O, bu barədə sentyabrın 21-də Nyu Yorkdakı Türk Evində Türk Dövlətləri Təşkilatının (TDT) XİN başçılarının qeyri-rəsmi iclasında danışıb. Nazir regionun nəqliyyat-tranzit potensialının tam şəkildə reallaşdırılmasının, ticarət dövriyyəsinin artırılması və şaxələndirilməsi, nəqliyyat-kommunikasiya dəhlizlərinin tranzit prosedurlarının sadələşdirilməsi və təkmilləşdirilməsi istiqamətində birgə səmərəli tədbirlərin görülməsinin vacibliyini qeyd edib.
Sentyabrın 19-da Azərbaycan Respublikasının Silahlı Qüvvələri tərəfindən Azərbaycanın Qarabağ bölgəsində keçirilən, 24 saata qədər davam etmiş lokal xarakterli antiterror tədbirləri uğurla başa çatıb.
Bu barədə Müdafiə Nazirliyi məlumat yayıb. Bildirilib ki, Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciətini nəzərə alaraq 2023-cü il sentyabrın 20-də saat 13:00-da aşağıdakı şərtlər altında lokal xarakterli antiterror tədbirlərinin dayandırılması barədə razılıq əldə olunub:
1. Azərbaycan Respublikasının Qarabağ bölgəsində yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoyur, döyüş mövqelərindən və hərbi postlardan çıxır və tam şəkildə tərksilah olunurlar. Ermənistan silahlı qüvvələrinin birləşmələri Azərbaycan ərazilərini tərk edir, qeyri-qanuni erməni silahlı dəstələri buraxılır.
2. Paralel şəkildə bütün silah-sursat və ağır texnika təhvil verilir.
3. Yuxarıda qeyd olunan proseslərin Rusiya sülhməramlı kontingenti ilə əlaqələndirilmiş şəkildə həyata keçirilməsi təmin edilir.
9 sentyabr 2023-cü ildə qondarma "DQR"-də keçirilmiş prezident seçkiləri Azərbaycan Respublikasının Konstitusiyasına və beynəlxalq hüquqa ziddir, ölkəmizin dünya birliyi, o cümlədən Ermənistan Respublikasının rəhbərliyi tərəfindən dəfələrlə rəsmən bəyan edilən, tanınan suverenliyinə və ərazi bütövlüyünə hörmətsizlikdir, açıq-aşkar meydan oxumaqdır.
Azərbaycan Respublikası Prezidentinin Sərəncam
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. Xudafərin ‒ Qubadlı ‒ Laçın avtomobil yolunun 33-cü km-dən başlayan yeni Qubadlı ‒ Laçın avtomobil yolunun layihələndirilməsi və tikintisinin həyata keçirilməsi məqsədilə Azərbaycan Respublikasının 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə 20,0 (iyirmi) milyon manat ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
- Mehriban Əliyevanın fəaliyyət və portretinə 12 ştrix
- Dövlətimizin başçısı və xanımı Kəlbəcər və Laçına səfər ediblər
- Laçında aparılan işlərə nəzarət güclənməlidir
- Asif Talıboğlu: Bu kənd mənə tanış gəlir
- Qərbi Zəngəzur abidələri
- Prezident Kəlbəcər şəhərinə 80 milyon manat vəsait ayırıb
- Başsağlığı - Milli Qəhrəmanın atası vəfat etdi
- Əziz Ələkbərli: Qərbi Azərbaycanın 21 mahalı
- Doğma obam, gözəl yurdum, isti yuvam Qubadlım
- Prezidentin Sərəncamı ilə şəhər günləri təsis edildi