Ömrümün bir ilini də başa vurdum. Ümumilikdə həsrətlə dolu, son 30 ilə yaxın bir müddət və həsrət bitəndən sonrakl ūć il necə keçdisə heç xəbərim olmadı. Yaxşı deyilir: Aydı, ildi, gəlib keçir ömürdən. Bizlər isə tələsirik görən yaza, yaya nə qaldı. Son otuz ildə isə, hər il ümidli olmuşuq ki, bu il torpaqlarımıza qovuşacağıq. Beləcə illər keçib. Bu illərdə anamı, atamı, xeyli sayda qohumlarımı, doğmalarımı və dostlarımı itirdim. Birdə gözümü açdım ki, ömrün çoxunu arxada qoymuşam. Şükür edirəm Allahıma ki, 2020-ci ilin noyabrlndan həsrətə son qoyuldu. Ali Baş Komandanın rəhbər bacarığı, Ordumuzun qəhrəmanlığı və Xalqımızın birliyi sayəsində torpaqlarımız işğaldan azad oldu. Qarabağ sevinci ilə birlikdə, mən də bir dekabr 2020-ci il və 26 avqust 2022-ci il, 23 aprel 2023-cū il və 15 oktyabr 2023-cū ilsevincini yaşadım. Əzizlərimin qəbirlərini təkrar-təkrar Sumqayıtda ziyarət edərkən dedim ki, rahat yatın Laçınımızda artıq bərpa quruculuq işləri gedir. Camaatlmlz doģma evlərinə qayldlrlar. Laćln əvvəlkindən də gözəl qurulur. Doğma kəndimiz- Cicimliyə gedə bilirik.

Yaşımın üstünə yaş gələn bu günü fikirləşdim ki, illərin sürətlə keçməsinə və son illəri gərginlik şəraitində yaşamamıza baxmayaraq, fəaliyyətimi dayandırmamışam. Üzərimə düşən vəzifələri ləyaqətlə yerinə yetirməyə, xalqa və dövlətimizə öz işimlə şərəflə xidmət etməyə çalışmışam. Bu müstəvidə dönüb geri baxarkən, keçdiyim yolu, keçirdiyim hissləri, qazandığım uğurlarımı, dostlarım və istəyənlərimlə təkrar bu 2024-cū ildə də bölüşmək düşüncəsinə gəldim.

Tanlyanlar bilir ki, Laçın rayonunun Cicimli kəndində zəhmətkeş bir ailədə anadan olmuşam. Pedaqoji İnstitutun tarix fakültəsini fərqlənmə diplomu ilə bitirdim. 1981-1985-ci illərdə Laçın rayonunda, məzunu olduğum o vaxt ki, Cicimli kənd səkkizillik məktəbində tarix müəllimi kimi işə başladım. Sonradan elmi-tədqiqat işimlə əlaqəli Bakıya köçməli oldum. 1985-1987-ci illərdə Abşeron rayon mədəniyyət şöbəsində tarixi abidələrin mühavizəçisi və diyarşünaslıq muzeyində elmi işçi vəzifələrində çalışdım. 1987-ci ildən isə AzPİ-nin Sov.İKP tarixi kafedrasında (indiki AzTU) işləməyə başladım. Kafedrada laborantlıqdan, müəllim, dosent, professor və kafedra müdüri vəzifələrinədək yüksəldim.

1990-ci ildə AMEA-nın Tarix İnstitutunda namizədlik dissertasiyasını müdafiə etdim. 1992-ci ildə AzTU-nun Tarix kafedrasında müəlim vəzifəsindən birbaşa dosent vəzifəsinə seçildim. 1995-ci ildən isə Univerisitet HİK-in sədr müavini, 1996-cı ildən 2001-ci ilə kimi “Mühəndis Biznesi və Menencment” fakultəsində dekan müavini və 1996-1998-ci illərdə isə Azərbaycan Dövlət Dəniz Akademiyasında “Humanitar fənlər” kafedrasının müdiri vəzifələrində işlədim. 2001-2006-cı illərdə AzTU-da tərbiyə işləri üzrə prorektor və AzTU-nun orqanı olan “Ziya” qəzetinin baş redaktoru kimi fəaliyyət göstərdim. 2002-ci ildən 2015-ci ilə qədər “Tarix” kafedrasının müdiri vəzifəsində, 2016-cı ilin fevralından isə müsabiqə yolu ilə “İctimai fənlər” kafedrasının müdiri vəzifəsində seçilərək fəaliyyətimi davam etdirmişəm. 2008-ci ildə AMEA-nın Tarix İnstitutunda doktorluq dissertasiyasını müdafiə etmişəm. 2014-cū ildən professoram.

İndiyə qədər 341-dən çox elmi, metodik və publistik məqalənin, o cümlədən Texniki ali məktəblər üçün doqquz “Tarix” və Azərbaycan tarixi fənninin tədrisi proqramının, “Tarix və Azərbaycan tarixinin tədrisinə dair” beş metodiki vəsaitin, iki məcmuənin, “Azərbaycan SSR yaradıcılıq ittifaqlarının yaranması və fəaliyyəti (1920-30)”, Bakı, 2007, “Azərbaycan yaradıcı ziyalıları sovet hakimiyyəti illərində (1920-1940)”, Bakı, 2009, “Xalq Qəhrəmanı Sultan bəy”, Bakı, 2011, “Əsirlikdə qalan Laçın”, Bakı, 2012 monoqra-fiyalarının, “Azərbaycan tarixi” (Texniki ali məktəblər üçün dərslik, 608 səh.) Bakı, 2015 dərsliyinin, Azərbaycan ərazilərində erməni saxtalaşdırmaları və ekoloji terror. Bakı, 2018, 260s. (üç dildə) kitabın, “Azərbaycan tarixi” mühazirə və məşğələ dərslərinin keçilməsinə dair metodik vəsaitin, Bakı 2019,106s., “Azərbaycan tarixi” fənninin proqramının Bakı, 2019,48s. və 2023-cü ildə nəşr olunmuş “Azərbaycan tarixi” fənninin yeni proqramının müəllifiyəm. Moskvanın, Dağıstanın, Türkiyənin, Kiyevin, Ryazanın, Makedoniyanın, İtalyanın, Çuvaş Respublikasının və Qazaxstanln elmi jurnallarında 28-dən çox məqaləm çap olunubdur. 32 respublika və 28 Beynəlxalq konfranslarda iştirak və çıxışlar etmişəm.

2011-ci ilin aprel ayında Kiyev şəhərində kocmosun fəthinin 50-illiyi münasibəti ilə keçirilmiş Beynəlxalq elmi-praktik konfransda iştirak etmiş və “Kosmik tədqiqatların Azərbaycanda elm və texnikanın inkişafında rolu” mövzusunda məruzə ilə çıxış etmişəm. 2011-ci ilin may ayında Türkiyyənin Bayburt şəhərində keçirilən 19-cu Uluslararası Dədə-Qorqud festivalında iştirakına və dəyərli məruzəsinə görə Bayburt Valisi tərəfindən “Böyük saat kulesi” hədiyəsi ilə mükafatlandırılmışam. 2012-ci ilin mayında Türkiyənin Amasya şəhərində Mir Həmzə Nigariyə həsr olunmuş Beynəlxalq Simpoziumda “Cicimlidən Amasyaya gedən təsəvvüf yolu”, 2014-cü ildə Türkiyənin Konya şəhərində VIII Uluslararası Türk Kültürü, Sanatı və Kültürel Mirası Koruma Sempozyumunda “Azərbaycanın Naxçıvan Muxtar Respublikasında Ədəbiyyat və İncəsənətin inkişafı tarixindən (1920-30-cu illər)” mövzularında məruzə ilə çıxış etmişəm. Sempozyumda məruzəmə və fəal iştirakına görə Konya Böyükşəhər Bələdyəsi tərəfindən Cəlaləddin Ruminin 6 cildlik məsnəvisi ilə mükafatlandırılmışam. 2014-cü ilin dekabr ayında isə Türkiyənin Malatya şəhərində İnönü Universitetində, Tarsus şəhərində Çağ universitetində və Mersin Dövlət Universitetində “Türkiyə və Azərbaycan: Ortaq dəyərlər və tarix” mövzusunda keçirilən silsilə konfranslarda əsas məruzəçi olmuşam və Türkiyənin Kanal -33 TV-də bir saatlıq verlişdə cıxış etmişəm.

Professor olaraq keçirilən bir sıra konfransların elmi heyətinə üzv seçilmişəm. Belə ki, 2015-ci və 2016-cı ilin may aylarında Türküyyənin Konya şəhərində, 2016-cı ilin oktyabr ayında Ağrı Universitetində, 2017, 2018-ci illərin yanvarında Makedonyanın Ohrid şəhərində keçirilən Beynəlxalq konfranslarda və 2018-ci ilin may ayında isə İtalyanın Matera şəhərində keçirilən Beynəlxalq konfransda iştirak edərək çıxışlar etmişəm. 2016-cı ilin may ayında Türküyyənin Konya şəhərində "VI Uluslararasi türk sanati, tarihi ve folkloru kongresi"ndə uğurlu iştirakına və dəyərli məruzəsinə görə konqresin təşkilat komitəsi tərəfindən "BİLME, SENETE KATKI" ödülü ilə mükafatlandırılmışam. 2016-cı ilin 12-14 oktyabrında Türkiyənin Ağrı Universitetində II uluslararası sosyal bilimler sempozyumunda uğurlu şıxışına görə isə “İSHAK PAŞA” qalasının baralyefi ilə mükafatlandırıldım. Bununlarla yanaşı 2018-ci ilin oktyabrında Türkiyyənin Amasya şəhərində IV Beynəlxalq Mir Həmzə Nigari Simpoziumunda “Türk xalqının azadlıq mücadiləsinə azərbaycanlıların iqtisadi, siyasi və hərbi köməyi” mövzusunda çıxışına görə konfransda “Amasya Hatıresi” adlı sənət əsəri ilə mükafatlandırıldım. 2019-cu ilin 24-26 yanvarında Tiflis şəhərində I Uluslararası dergi Karadeniz sosyal bilimler sempozyumunda iştirak etmişəm, 2019-cu ilin 26-27 aprel tarixində Konya çəhərində XII Uluslararası Türk sanatları, tarihi ve folkloru kongresində “Azerbaycan kültürünün gelişiminde müstesna hizmetleri bulunan İsmayilli aydinlari” mövzusunda və 25- 26 may 2019-cu il tarixdə Qori müəllimlər Seminariyasının Qazax filialının 100 illiyi ilə əlaqədar, Qazax şəhərində keçirilmiş konfransda “Heydər Əliyev siyasi kursu və Azərbaycan təhsili” mövzularında çıxışlarım yadda qalan olmuşdu. 29 dekabr 2019-cu ildə “Tərbiyə işinin təkmiləşdirilməsi haqqında” Cənab Prezident İlham Əliyevin BDU-nun 100 illik yubiley tədbirindəki nitqində irəli sürülən vəzifələr və YAP ərazi təşkilatının üzərinə düşən vəzifələr mövzusunda geniş tədbirin təşkilatçısı və məruzəçisi olmuşam.

Bütün bunlarla yanaşı, “Türk xalqlarının tarixi”, “Siyasi tarix” dərs vəsaitinin rəyçisi, “İslam qanunlarına aid 400 suala 400 cavab" kitabının redaktoru və rəyçisi olmuşam. Ümumilikdə onlarla kitabın redaktoru və rəyçisi olmaqlq xeyirxahlığımı əsirgəməmişəm. 40-dan çox namizədlik və doktorluq dissertasiyalarının aftoreferatlarına rəy vermiş və rəsmi opponent olmuşam. 2013-cū ildən Azərbaycan Respublikasının Prezidenti yanında Ali Attestasiya Komissiyasının Tarix və Siyasi elmlər üzrə Ekspert Şurasının üzvü (2 il istisna olmaqla) olaraq fəaliyyət göstərirəm. MDB ölkələri arası Monitorinq İnstitutunun Bakı filalının eksperti kimi fəaliyyət föstərmişəm. Eyni zamanda Təhsil Nazirinin əmri ilə beş il- 2023-ci ilə qədər Sumqayıt Dövlət Universitetində İmtahan komissiyasının sədri olmuşam.

Pandemya şəraitinə baxmayaraq elmi fəaliyyətimi ardıcıl olaraq davam etdirmişəm. Geniş həcmli “Tarixi zərurətdən yaranmış yüz yaşlı Azərbaycan Politexnik İnsitutu” adlı məqaləm saytlarda və aprel 2020-ci il tarixli “Ziya” qəzetində çap edilmişdir. Cənab Pezident İlham Əliyevə ünvanladığım “Müdrik lideri olan xalq xoşbəxtdir” adlı iri həcmli minnətdarlıq məktub-məqaləm 19 aprel 2020-ci il “Azərbaycan” qəzetində çap olunmuşdur. Ümumilikdə isə, 2020-ci ilin mart ayından etibarən universitet daxili, eləcə də respublika və beynəlxalq miqyaslı keçirilən onlayn elmi-nəzəri və praktik konfranslarda müntəzəm olaraq iştirak etmiş və modernator olmuşam. Belə ki, 14 may 2020-ci il tarixdə MDBPAİ Bakı filalının “Cəmiyyətdə demokratik islahatların həyata keçirilməsində dövlət və ictimai institutların rolu” mövzusunda keçirdiyi online konfransda “Aparılan demokratik islahatlar xalqımızın xoş gələcəyi üçün təminatdır” mövzusunda və mayın 18 də Tarixi Yerlər və Beynəlxalq muzeylər günündə “Bərpa və restavrasiyasını gözləyən Laçının əsir abidələri” mövzularında şıxışlar etmişəm. Eyni zamanda Azərbaycanın Polşadakı sabiq səfiri H.Həsənovun “Azərbaycan dövlətinin və adının yaranması” kitabına həsr olunmuş, onlayn seminarın aparıcısı olmuş və şıxış etmişəm. “Ramazan tarixdə, və bu gün” mövzusunda qeyri hökümət təşkilatı “Miras”in keçirdiyi seminarın aparıcısı və məriuzəçilərindən biri olmuşam. “Pandemiya şəraitində təhsil” mövzusunda seminarın iştirakçısı olmaqla yanaşı çıxış etmişəm. 2020-ci ilin iyun ayının 22-də isə BDU nun təşkilatçılığı ilə keçirilmiş II Dünya Müharibəsində qələbənin 75 illiyi ilə əlaqədar Virtual Beynəlxalq konfransda “Tarixi qələbənin qazanılmasında Azərbaycan xalqının rolu” mövzusunda, 01 Oktyabr 2020-ci il tarixində Türküyənin Dənizli Universitetinin təşkil etdiyi “6 Uluslararası Türk Dünyası Turizm Sempozyumu”nda “İpək yolu”nun bərpası türk birliyinin inkişafında yeni mərhələdir” mövzuzunda və 19 yanvar 2021-cil tarixində AzTU da keçirilən onlayn 20 yanvar tədbirində geniş çıxışlar etmişəm. 2021-ci ildə Universitetin rektoru, prof. Vilayət Vəliyevin təqdimatı və Təhsil Naziri Emin Əmrullayevin əmri ilə fəxri fərmanla təltif olunmuşam.“Bərpa və restavrasiyasını gözləyən Laçının işğaldan azad olmuş abidələri” adlı məqaləm Tarix və problemləri jurnalının yanvar 2021-ci il sayında nəşr olunubdur." 2022-ci ilin Yanvar ayında İçəri Şəhər Dövlət Qoruğu idarəsinin təşkil etdiyi onlayn tədbirdə, “20 yanvar qəhrəmanlıq tariximizdir” mövzusunda əsas məruzəçi qismində, Xocalı soyqırımına həsr edilmiş Sumqayıtda keçirilən Beynəlxalq Konfransda “Xocalı soyqırımı, türklərə qarşı ermənilərin mərhələ-mərhələ gerçəkləşdirilən düşmənçilik siasətinin təzahürüdür” mövzusunda çıxışlar etmişəm. “Azərbaycan təhsilinin inkişafında İrəvan Müəllimlər Seminaryasının rolu” və “104 illik tarixi yol keçmiş milli ordumuz”. mövzularında sosial şəbəkələrdə məqalələrlə çıxış etmişəm.

Ağdamın Quzanlı qəsəbəsində 17-19 may, 2022-ci il tarixində keçirilən V Beynəlxalq Həmzə Nigari Simpoziumunun təşkilatçılarından biri olmuş və konfransın açılışında çıxış etmişəm.

konfransın III bölməsinə sədrlik etmiş və “Xosrov bəy Sultanovun Qarabağın erməni təcəvüzündən qorunmasında xidmətləri” mövzusunda elmi məruzə etmişəm. Məqaləm konf. materialarında çap olunubdur. Respublikada gedən maariflənmə çərçivəsində 20 İyun 2022-ci il tarixində “Zəngəzur Dəhlizi” mövzusunda Səda TV proqramında bir saat canlı yayımda, 2022-ci ilin Oktyabr ayında iki dəfə, yanvar 2023-cū ildə isə bir dəfə Az.TV-də “Əsas məsələ” canlı yayım proqramında qonaq olmuşam. Noyabr, 2022-ci ildə jurnalist Sübut Mehdiyevin Laçın şəhidlərinə həsr etdiyi “Tarixin Zəfər yolu” kitabında “Laçının tarixi- xalqımızın qədimliyinin və mübarizliyinin səlnaməsidir.” adlı məqaləm çap olunubdur. 17 noyabr 2022-ci ildə Sumqayit şəhər poezya evində şair Zahir Abbasın “Qəlbimdə sənə yer saxlamışam” kitabının və 18 noyabr 2022-ci il tarixdə isə yenə də həmin poezya evində A.Musayevanın “Məqlubedilməz kəşviyyatçı” kitabının təqdimatında iştirak və çıxış etmişəm.

2022-ci il noyabr 22-də tarixində Şuşa şəhərində keçirilən, “Tarixi yerlər və abidələr” IV Beynəlxalq Şuşa Simpoziumunda iştirak edərək açılış nitqi söyləmişəm və “Şuşada muzeylərin yaranması tarixindən” mövzusunda çıxış etmişəm. Məqaləm də çap olunubdur. Eyni zamanda 2023-cū ilin aprelində Ankara Bilim Universitetinin dəvəti ilə "1915-ci il erməni olaylarl" Çallştaylnda, oktyabr aylnda isə Tūrkiyənin Aydln universitetində keçirilən Beynəlxalq Konfransda iştirak edərək "Qərbi Zəngəzurun Ermənistana verilməsi" tarixi mövzusunda və Qərbi Qazaxstan Dövlət Arxivinin 100 illiyinə həsr olunmuş konfransda "Azərbaycanda arxiv quruculuģu" mövzusunda çlxlşlar etmişəm.

Mənim ūçūn yadda qalan, sevincli işlərdən biri ölkəmizdə 2024-cū il fevral aylnln 7 də keçirilən növbədən kənar prezident seçkilərində təbliģat-təşviqat kompaniyaslnda iştirak etməyim və ölkə Prezidenti Ilham Əliyevin böyūk səs çoxluğu ilə qələbə çalmasl oldu.

Bütün bunları sadalamaqla, bir növü gördüyüm işlərin bəziləri barəsində dostlarıma, istəyənlərimə və elə özümə də hesabat verərək fəaliyyətimi davam etdirməyimə stimul almış oluram.

 

Mənbə: https://www.facebook.com/shikarqasimov